మన్నిస్తావా ప్రియా..(ప్రేమ దారిలో)

ఎవరు నీవు..?

ఏ కొలనులో తామరవు

ఏ గూటిలో కోయిలవు..!

కార్తీక మాసపు దీపాలన్ని ఒక్కచోట చేరితే

ఆ ప్రకాశమంత పూసుకున్న వదనంతో

ఉత్తమమైన అభినయము తో

ఉత్యుత తెలంగాణ లో అడుగిడిన ఆడపడుచువో

ఉల్కలై రాలిన చంద్రుని ముక్కవో

గ్రహాంతరవాసివో, బృహస్పతి పుత్రికవో

బృహోత్తమమగు నా ప్రేమకు రూపానివో

అంగబలం భుజబలం అన్ని నీవే నాకు 

నీవు లేక ఏ విజయం రాదు నాకు..

 

మరి నేను..?

కూర్చున్న కొమ్మను నరికాను, ఆదరించిన చేయి విరిచాను

ప్రేమ పాశం మరిచాను, నోటి పూజతో చెలరేగాను🗣

చిన్న పిల్లాడి మనసు నాది..

నీ సూపు లేకుండా నడవనిది, నీ మాట వినకుండా మనలేనిది

మన్నిస్తవా ప్రియా..........

నా దారిలో అడుగు కలిపి, మన ప్రేమను గెలిపిస్తావా

మన ప్రేమ దారిలో కవితా కుసుమాల పంట వేద్దామా..!

-------------------------------------------------------------++++++

రచన : తాజ్

పల్లెటూరి పిల్లోడు